ရေရှည်တည်တံ့ရေးလှုံ့ဆော်ရင်းအနာဂတ်ကိုတည်ဆောက်ကြစို့
ရွှေတောင်သာဂသူစင်တာ
Sustainability သုတေသနစင်တာ
Edu4SD စီမံကိန်း
ဦးတည် SDGs များ
Edu4SD စီမံကိန်းသည် ကုလသမဂ္ဂ၏ ရေရှည်တည်တံ့သော ဖွံ့ဖြိုးရေးရည်မှန်းချက်များ (SDGs) အနက် အဓိက ဦးတည်သည့် ရည်မှန်းချက် (၃) ရပ်ကို အာရုံစိုက်ဆောင်ရွက်လျက်ရှိပြီး၊ မြန်မာနိုင်ငံတစ်ဝှမ်း ရေရှည်တည်တံ့သောဖွံ့ဖြိုးရေးဆိုင်ရာ အသိပညာ (sustainability literacy) မြှင့်တင်ရေးကို အထူးအလေးထားဆောင်ရွက်ပါသည်။
ဤစီမံကိန်း၏ အဓိကအချက်မှာ Facebook၊ Instagram နှင့် LinkedIn အစရှိသော လူကြိုက်များသည့် လူမှုမီဒီယာပလက်ဖောင်းများကို နည်းဗျူဟာကျအသုံးပြု၍ မြန်မာနိုင်ငံ၏ လူငယ်များအား စွမ်းဆောင်ရည်မြှင့်တင်ပေးရန် ဖြစ်ပါသည်။
Edu4SD သည် ဒီဂျစ်တယ်ချိတ်ဆက်မှုများကို အသုံးပြုခြင်းဖြင့် ပထဝီဆိုင်ရာအကန့်အသတ်များကို ကျော်လွှားကာ ပါဝင်သူများ၏ တည်နေရာမခွဲခြားဘဲ၊ ရေရှည်တည်တံ့သောဖွံ့ဖြိုးရေးဆိုင်ရာ ပညာရေးကို ကျယ်ကျယ်ပြန့်ပြန့်နှင့် လူတိုင်းအကျုံးဝင်စွာ ရရှိစေပါသည်။
အွန်လိုင်းသင်တန်းများ
ဤသင်တန်းများကို e-learning modules များအဖြစ် မဟာဗျူဟာကျကျ ရေးဆွဲထားပြီး မြန်မာဘာသာစကားဖြင့် ကျယ်ကျယ်ပြန့်ပြန့်နှင့် ကမ္ဘာလုံးဆိုင်ရာ သင်ယူနိုင်သော အတွေ့အကြုံကို သေချာစေရန်၊ နိုင်ငံတကာ စံနှုန်းများနှင့် လိုက်လျောညီထွေဖြစ်စေရန်နှင့် အဓိကကျသော ရေရှည်တည်တံ့ခိုင်မြဲမှုဆိုင်ရာ ခေါင်းစဉ်များကို ပိုမိုနက်ရှိုင်းစွာ နားလည်သဘောပေါက်စေရန် ဆောင်ရွက်ထားပါသည်။ ဤသင်တန်းများကို Creative Commons Attribution 4.0 International လိုင်စင်အောက်တွင် သင်ခန်းစာအဖြစ် Zenodo ပလပ်ဖောင်းတွင် စာရင်းသွင်း ထုတ်ဝေပြီး YouTube တွင်လည်း တင်ထားပါသည်။
စပါယ်တိုင်းမ်
ကျွန်ုပ်တို့သည် Edu4SD စီမံကိန်းကို အသိပညာဖြန့်ဝေခြင်းနှင့် လူငယ်များ ပါဝင်ဆောင်ရွက်မှုကို အဓိကထားသော အပြန်အလှန်တုံ့ပြန်နိုင်သည့် ဆက်သွယ်ရေးနည်းဗျူဟာ ဖြင့် စနစ်တကျ ဒီဇိုင်းရေးဆွဲထားပါသည်။ ဤချဉ်းကပ်မှုကို Sabai Times တွင် ပုံမှန်ထုတ်ဝေသော နက်ရှိုင်းသည့် ဆန်းစစ်ဝေဖန်ချက်များ၊ မူဝါဒဆိုင်ရာ သုံးသပ်ချက်များဖြင့် အသက်သွင်းထားပြီး၊ လစဉ်ပြုလုပ်သော စကားဝိုင်းဆွေးနွေးပွဲများ နှင့် ပေါ့ဒ်ကတ်များ ဖြင့် ရေရှည်တည်တံ့ခိုင်မြဲ၍ဟန်ချက်ညီသောဖွံ့ဖြိုးတိုးတက်ရေး၏ ရှုပ်ထွေးသော အချက်အလက်များကို ရှင်းလင်းစွာ ဖော်ထုတ်ဆွေးနွေးပါသည်။
ဤဆက်သွယ်ရေးနည်းလမ်းများသည် မြန်မာနိုင်ငံရှိ လူငယ်များနှင့် ပြည်သူလူထုအကြား အသိပညာအခြေပြု ဆွေးနွေးမှုများကို မြှင့်တင်ပေးပြီး၊ ဒေသတစ်ဝှမ်းလုံး၌ ရေရှည်တည်တံ့ခိုင်မြဲ၍ဟန်ချက်ညီသော ဖွံ့ဖြိုးရေးဆိုင်ရာ အသိပညာ (sustainability literacy) တိုးတက်စေရန် တက်ကြွစွာ ပါဝင်လာစေပါသည်။
ဤကြိုးပမ်းမှုများသည် အချက်အလက်အခြေပြု ဆွေးနွေးမှု၊ လူငယ်စွမ်းအားအသုံးချမှုနှင့် ဒေသအဆင့် ပြောင်းလဲမှုအတွက် အရေးပါသော အခန်းကဏ္ဍမှ ပါဝင်နေပါသည်။
သိကောင်စရာများမျှဝေခြင်း
Edu4SD ပရောဂျက်ဘောင်အတွင်း၊ ရေရှည်တည်တံ့ခိုင်မြဲ၍ ဟန်ချက်ညီမှုသဘောတရားဆိုင်ရာအကြောင်းအရာများကို အပတ်စဥ် ပုံမှန်မျှဝေ ဖန်တီးမှုများ မှတစ်ဆင့် အသိပညာဖြန့်ဝေခြင်းအတွက် စနစ်တကျနှင့် ဆွဲဆောင်မှုရှိသောချဉ်းကပ်မှုတစ်ခုကို ထူထောင်ထားပါသည်။ ယခုချဥ်းကပ်မှုပုံစံသည် ရွှေတောင်သာဂသူပရိသတ်များ၏ မတူကွဲပြားသော ဘာသာစကားဆိုင်ရာ စိတ်ကြိုက်ရွေးချယ်မှုများကို ဖြည့်ဆည်းပေးရန်အတွက် ရည်ရွယ်ပြီး မြန်မာနှင့် အင်္ဂလိပ်ဗားရှင်းနှစ်မျိုးစလုံးဖြင့် မျှဝေလျှက်ရှိပါသည်။
