
SRIc
14 Nov 2023
Scholarships in Sustainability Science and Erasmus Mundus Scholarships 2024
ဥရောပသမဂ္ဂပညာသင်ဆုနှင့် ရေရည်တည်တံ့ခိုင်မြဲ၍ဟန်ချက်ညီမှုသိပ္ပံ ပညာသင်ဆုများ
___________________________________________________________________
အီတလီ၊ပြင်သစ်၊ပေါ်တူဂီ၊စပိန်၊အိုင်ယာလန် စတဲ့ အိမ်မက်ဆန်ဆန်လှပလွန်းတဲ့ ဥရောပနိုင်ငံတွေမှာ မိမိအိတ်ထဲက ကုန်ကျစရိတ် တစ်ပြားတစ်ချပ်မှ မလိုပဲ မဟာဘွဲ့ကို တက်ရောက်လို ရတဲ့ ပညာသင်ဆုရှိတယ် ဆိုတာ မောင်လေးတို့ ညီမလေးတို့ သိပါသလား?
အာ့ဒါဆိုရင်တော့ အသေးစိတ်သိရအောင် ၂၀၂၃ ခုနှစ် နိုင်ဝင်ဘာလ ၁၈ ရက်နေ့ (စနေနေ့) မြန်မာစံတော်ချိန် ည ၇ နာရီကနေ ည ၈ နာရီ ထိ ကျင်းပသွားမည့် စပါယ်စကားဝိုင်းကို တက်ရောက်ဖို့ အောက်က လင့်ခ်ကနေ registration ပြုလုပ်နိုင်ပါတယ်။
တက်ရောက်ရမည့် Link
ရွှေတောင်သာဂသူ-စင်တာမှ ကျင်းပပြုလုပ်မည့် စပါယ်စကားဝိုင်း အပတ်စဥ် ၃ တွင် "ဥရောပသမဂ္ဂပညာသင်ဆုနှင့် ရေရည်တည်တံ့ခိုင်မြဲ၍ဟန်ချက်ညီမှုသိပ္ပံ ပညာသင်ဆုများ" အကြောင်းနှင့်စပ်လျဥ်း၍ ဥရောပသမဂ္ဂပညာသင်ဆုရှင်ဟောင်း နှင့် လက်ရှိတွင် ပညာသင်ဆုဖြင့် ဥရောပတွင် ပူပူနွေးနွေး ကျောင်းတက်ရောက်လျှက်ရှိသည့် ဥရောပရောက် မြန်မာလူငယ် Scholars များမှ ဆွေးနွေးတင်ပြသွားကြမှာဖြစ်ပါတယ်။
ဆွေးနွေးတင်ပြပေးသွားမဲ့ ပညာသင်ဆုရှင်များကတော့ ကိုတင်သျှိုင်းအောင်နှင့် မယဥ်မင်းမြတ် တို့ပဲ ဖြစ်ပါတယ်။ ဥရောပသမဂ္ဂပညာသင်ဆုရှင်ဟောင်းဖြစ်တဲ့ ကို တင်သျှိုင်းအောင် ဟာ၂၀၁၅-၂၀၁၇ ခုနှစ်အတွက် ဥရောပသမဂ္ဂပညာသင်ဆုကို ရရှိခဲ့ဖူးသူဖြစ်၍ ယခုလက်ရှိတွင်လည်း ပေါ်တူဂီနိုင်ငံတွင် Sustainability Science (ရေရည်တည်တံ့ခိုင်မြဲ၍ဟန်ချက်ညီမှုသိပ္ပံ) ဘာသာရပ်ဖြင့် ပါရဂူဘွဲ့ကို တက်ရောက်နေသူ တစ်ဦးဖြစ်ပါသည်။
မယဥ်မင်းမြတ်ကတော့ ၂၀၂၃ ခုနှစ်ကမှ ဥရောပသမဂ္ဂပညာသင်ဆုကို ပူပူနွေးနွေးရရှိခဲ့၍ ယခုလက်ရှိတွင် Erasmus Mundus ပညာသင်ဆုရှင် မဟာဘွဲ့ကို Archaeological Material Science ဘာသာ ရပ်ဖြင့် တက်ရောက်နေတဲ့ မြန်မာလူငယ်တစ်ဦးဖြစ်ပါတယ်။
ကဲ ပညာသင်ဆုရယူရင်း ဥရောပကို သွားလည်ဖို့ အဆင်သင့်ဖြစ်နေပီလား။
အာ့ဒါဆိုရင်တော့
ကို တင်သျှိုင်းအောင်နှင့် မယဥ်မင်းမြတ်တို့က မောင်လေးတို့၊ညီမလေးတို့ကို အသေးစိတ်ရှင်းပြပေးဖို့ အဆင်သင့်ဖြစ်နေကြပါပြီ။