Sabai Webinar Series 1

ခမ်းနားလှတဲ့ ပြတိုက်ကြီးတွေ၊ထယ်ဝါလှတဲ့ ကျောင်းဆောင်ကြီးတွေရှိတဲ့ ဥရောပနိုင်ငံတွေက တက္ကသိုလ်ကြီးတွေမှာ ပညာတော်သင်သွားရောက်ခွင့်ရဖို့အတွက် သင်ရဲ့ အိမ်မက်တွေက တနေ့မှာ လက်တွေ့ဖြစ်လာနိုင်တယ်ဆိုတာ သင်သိပါသလား။

ဒီကနေ့မှာတော့ ဥရောပနိုင်ငံတွေမှာ မဟာဘွဲ့အတွက် ပညာတော်သင်လည်းသွားချင်တယ် အိမ်က ထောက်ပံ့ပေးနိုင်မှတက်လို့ရတယ်မျိုးလည်းမဖြစ်စေချင်ဘူး၊ စိန်ခေါ်မှုအသစ်တွေကိုကိုယ်တိုင်ရင်ဆိုင်ရင်း ကိုယ့်ဒူးကိုယ်ချွန်ကြိုးစားကြည့်ချင်တယ်ဆိုတဲ့ လူတွေအတွက် Erasmus Mundus ဆိုတဲ့ပညာသင်ဆုလေးအကြောင်း ကိုပြောပြရင်း webinar လေးတစ်ခုကိုပါ Shwetaungthagathu Reform Initiative Centre ရဲ့ Sabai Webinar Series ကနေ စီစဥ်ပေးထားပါတယ်။

Erasmus Mundus (EMJMD) ကမ္ဘာ့နိုင်ငံပေါင်းစုံက ပညာထူးချွန်တဲ့ ဘွဲ့ရပြီးသား လူငယ်ကျောင်းသား၊ကျောင်းသူတွေကို ဥရောပတက္ကသိုလ်ကြီးတွေမှာ မဟာတန်းဆက်လက်တက်ရောက်နိုင်ဖို့ ဥရောပသမဂ္ဂမှ နှစ်စဥ်ချီးမြင့်တဲ့ ပညာသင်ဆုအမျိုးအစားဖြစ်ပါတယ်။

ကုလသမဂ္ဂမှ ၂၀၃၀ ခုနှစ်ကို မျှော်မှန်းချက်ထားကြိုးပမ်းဆောင်ရွက်နေတဲ့ Sustainable Development Goals 17 ခုထဲက မျှော်မှန်းချက် ၄ ဖြစ်တဲ့ Goal 4: Quality Education ဆိုတဲ့ အောက်မှာ ပညာရေးအတွက်အခွင့်အလမ်းတွေတစ်ခုအနေနဲ့ ဆက်လက်ဆည်းပူးလိုသူတို့အတွက် ထောက်ပံ့ပေးတဲ့ program တစ်ခုလို့ပြောလို့လည်း ရပါတယ်။

အမျိုးအစားကတော့ ပူးတွဲမဟာဘွဲ့ဖြစ်ပြီး သက်ဆိုင်ရာဘာသာရပ်အလိုက် နိုင်ငံ ၂ခု သို့မဟုတ် ၂ ခုထက် ပိုတဲ့ ဥရောပနိုင်ငံတွေမှာ ပညာဆည်းပူးရင်း အဆိုပါ တက္ကသိုလ်ကြီးတွေက ချီးမြင့်တဲ့ နှစ်ထပ်ကွမ်းမဟာဘွဲ့ကြီးကိုလည်း ပိုင်ဆိုင်နိုင်မဲ့ အခွင့်အလမ်းလို့ပြောရင်လည်း မမှားပါဘူး။

ဒါ့အပြင် ဒီပညာသင်ဆုလေးက ကျောင်းလခ၊အပြင် နေထိုင်၊စားသောက်စရိတ်ပါ ပံ့ပိုးပေးတဲ့ အပြည့်အဝ(fully funded) ဖြစ်တာမို့ မိမိအိမ်ကထောက်ပံ့မပေးနိုင်မှာကိုလည်း လုံးဝစိတ်ပူစရာမလိုပါဘူး။

ဒါအပြင် ပညာသင်သွားစဥ် ဗီဇာရှိနေစဥ်ကာလအတွင်း မိမိပညာသင်သွားတဲ့ နိုင်ငံအပြင် တခြားဥရောပနိင်ငံတွေကိုပါ ဗီဇာထက်ယူစရာ မလိုပဲ လည်ပတ်နိုင်မှာမို့ ပညာသင်သွားရင် ဥရောပနိုင်ငံတွေရဲ့ အလှအပတွေကိုပါ တစ်ဝကြီးခံစားခွင့်ရဦးမှာပါ။

ဒီပညာသင်ဆုလေးက သိပ္ပံပညာ၊ နည်းပညာ၊ အနုပညာ၊ သတင်းပညာနှင့် နိုင်ငံရေးပညာဆိုင်ရာ ဘာသာရပ်များအပြင် အခြားဘာသာရပ်အမျိုးအစားပေါင်းများစွာကို ပေးထားတာဆိုတော့ ကိုယ်နဲ့ စိတ်ဝင်စားတဲ့ဘာသာကိုရွေးချယ်လျှောက်ထားခွင့်လည်းရှိပြန်ပါတယ်။

ကိုယ်က ခုထိ နောက်ဆုံးနှစ်တက်နေဆဲ မို့ လို့လည်း စိတ်မကောင်းမဖြစ်နဲ့ဦးနော်။ ဒီပညာသင်ဆုလေးက ဘွဲ့ရကျောင်းသားကျောင်းသူတွေအပြင် ဒီ Master Program မစခင်အချိန်မှာ ဘွဲ့ရမယ့် နောက်ဆုံးနှစ်ကျောင်းသားကျောင်းသူတွေဆိုရင်လည်း လျှောက်ထားနိုင်ပါတယ်။

ဒီ ၂၀၂၃/၂၀၂၄ ပညာသင်နှစ်အတွက် ပညာသင်ဆု နောက်ဆုံးလျှောက်ထားရမယ့် ရက်က ဘာသာရပ်အပေါ် မူတည်ပြီး ကွဲပြားမှုလေးတော့ ရှိပါတယ်။ အဲ့တာကြောင့် ဘယ်လိုလျှောက်ရလဲ၊ဘာတွေလိုအပ်လဲ ဘယ်တော့ လျှောက်ရမှာလဲ စတာတွေကို အသေးစိတ်သိချင်တယ်ဆိုရင် အသေးစိတ်လေ့လာနိုင်ရအောင် ယခင်က ပညာတော်သင် ကျောင်းသားဟောင်းတစ်ဦး နဲ့ အပြန်အလှန်မေးခွန်းမေး၊ဆွေးနွေးခွင့်တွေလည်း ရရှိနိုင်ဖို့ အတွက် အောက်ပါ webniar လေးကို စီစဥ်ပေးထားပါတယ်။

ဒါလေးကတော့ ဒီပညာသင်ဆုအကြောင်း အကြမ်းဖျင်းလေး နားလည်သွားအောင် Shwetaungthagathu Reform Initiative Centre ကပြောပြပေးခဲ့တာပါ။

ပိုပီး အသေးစိတ်သိချင်တယ် ဆိုတဲ့ လူတွေအတွက် ဒီပညာသင်ဆုရဖူးပြီး ဥရောပမှမာစတာဘွဲ့ရယူထားသလို့ လက်ရှိမှာလည်း ပါရဂူသုတေသနတွေလုပ်ငန်းတွေလုပ်ဆောင်နေတဲ့ စီနီယာကြီးဆီကလည်း အကြံဉာဏ်တွေ အတွေ့အကြုံတွေနားထောင်ချင်တယ်ဆိုရင်တော့ အခုပြောပြမယ့် webinar လေးကို ဆက်ဆက် join လိုက်တော့နော်။

Webinar လေးကိုတော့ ၂၀၂၂ ခုနှစ် ဒီဇင်ဘာလ ၁၇ ရက်နေ့ ည ၇:၀၀ pm to ၈:၃၀ pm အထိ ‌ကျင်းပသွားမှာဖြစ်ပြီး…

ပါဝင်မယ့် Speaker ကတော့ Erasmus Mundus Alumni Association ကအဖွဲ့ဝင်တစ်ဦးဖြစ်ပြီး လက်ရှိမှာ ပေါ်တူဂီနိုင်ငံ လစ်စ္စဘွန်းတက္ကသိုလ်မှာ Sustainability Science ဘာသာရပ်ဖြစ် ပါရဂူသုတေသနတွေကို လုပ်ဆောင်လျှက်ရှိတဲ့

ကိုတင်သျှိုင်းအောင် PhD Candidate (University of Lisbon, Portugal) ဖြစ်ပါတယ်။

သူဟာ Erasmus Mundus Fully Funded scholarship for Master degree ကို 2015ခုနှစ်ကရရှိဖူးခဲ့သူတစ်ဦးဖြစ်ပါတယ်။

ဒီwebinar လေးကိုတက်ရောက်ချင်တယ်ဆိုရင်တော့…

Shwetaungthagathu Reform Initiative Centre pageလေးကို Like and Followထားဖို့လဲ လိုပါမယ်နော်

Webinar မစတင်ခင် 2 ရက်အလိုမှာ Webinar အတွက် Microsoft Team link and id လေးကို personal chat box ကိုပို့ပေးထားမှာပဲဖြစ်ပါတယ်။

ကဲ ဒါဆို ကိုယ်ရဲ့ ဥရောပအိမ်မက်တွေကို လက်တွေ့အကောင်အထည်ဖော်ကြဖို့ စီစဥ်ထားကြတဲ့ လူတွေနဲ့ webinar လေးမှာ ဆက်ဆက်တွေ့ကြမယ်နော်

Shwetaungthagathu Reform Initiative Centre

#erasmusMundus Scholarship#sustainabledevelopmentgoals (SDGs)